“Facebook” şirkətinin işçiləri 2021-ci ilin yayına qədər evdən işləyəcək

“Facebook” şirkətinin işçiləri 2021-ci ilin yayına qədər evdən işləyəcək. SİA-nın məlumatına görə, şirkət koronavirus pandemiyası səbəbilə tətbiq etdiyi evdən işləmə modelini gələn ilin iyul ayına qədər uzadıb.

“Facebook”un sözçüsü Nneka Norville tərəfindən verilən açıqlamada qərarın səhiyyə və ictimai mütəxəssislərin tövsiyəsi ilə verildiyini bildirib.

Şirkət işçilərinə evdən işləmək ehtiyacları üçün maaşdan əlavə 1000 dollar vəsait verəcək.

Qeyd edək ki, ABŞ-ın texnologiya nəhənglərindən “Google” da ötən həftə evdən işləmək modelini 30 iyun 2021-ci ilə qədər uzatdığını açıqlayıb.

Bütün xəbərlər Facebook səhifəmizdə