Danimarkada genişmiqyaslı şəxsi məlumatların sızması baş verib. Hakerlər təxminən 8,8 milyon insan haqqında məlumatları ehtiva edən əhali reyestrinə icazəsiz giriş əldə ediblər. SİA bu ölkənin Rəqəmsal İnkişaf Nazirliyinə istinadən xəbər verir ki, hakimiyyət orqanları fişinq hücumlarının inandırıcı riski barədə xəbərdarlıq edir.
Hücum edənlər vətəndaşların adlarını, ünvanlarını və şəxsi identifikasiya nömrələrini əldə etmiş ola bilərlər. Reyestrdə həmçinin Danimarkadan vəfat etmiş və ya oradan ayrılmış insanlar haqqında məlumatlar da var. Tədqiqat, Təhsil və Rəqəmsal İnkişaf naziri Kristina Eqelund vəziyyəti "çox ciddi" adlandırıb. O bildirib ki, nazirlik artıq belə bir hadisənin təkrarlanmasının qarşısını almaq üçün müvafiq orqanlarla işləyir.
Oğurlanmış məlumatlar fişinq hücumları üçün istifadə edilə bilər. Bir şəxsin adını, ünvanını və sosial təminat nömrəsini bilmək fırıldaqçılığı xeyli inandırıcı edə bilər. Egelund sızıntıdan sonra danimarkalıları xüsusilə ehtiyatlı olmağa çağırdı. "Bəlkə də biz danimarkalıların adətən kimsə bizimlə əlaqə saxladığı zaman olduğundan daha şübhəli olmalıyıq", - deyə o bildirib.
Nazir həmçinin şəxsi məlumatları paylaşmamağı və ya naməlum linklərə klikləməməyi tövsiyə edib.
İsveçrə Yayım Korporasiyası (SBC) bu yaxınlarda icazəsiz şəxslərin almandilli SRF radiostansiyasının işçilərinin məlumatlarına çıxış əldə etdiyi kiberhücumun qurbanı olub.
VƏLİ
Bütün xəbərlər Facebook səhifəmizdə
USD
EUR
GBP
RUB