...Rusiya prezidentinin mətbuat katibi Dmitri Peskov Ukrayna münaqişəsinin nizamlanması prosesinin mürəkkəbliyini qeyd edərək vurğulayıb ki, hətta əsirlərin mübadiləsi və ya ölənlərin cəsədlərinin qaytarılmasına dair razılaşmalar da mühüm uğur hesab edilməlidir.
SİA-nın məlumatına görə, Peskov həmçinin bildirib ki, Rusiya və Ukrayna nümayəndə heyətləri arasında İstanbulda keçiriləcək danışıqlardan “möcüzəvi sıçrayışlar” gözləmək lazım deyil.
Onun sözlərinə görə, vəziyyət o qədər qarışıqdır ki, tez və köklü dəyişikliklərə ümid etmək olmaz. Eyni zamanda, Rusiya tərəfi öz maraqlarını ardıcıl şəkildə müdafiə etmək və qarşıya qoyulan vəzifələrin yerinə yetirilməsinə nail olmaq niyyətindədir.
Xatırladaq ki, bundan əvvəl Vladimir Zelenski iyulun 23-də Türkiyədə Rusiya və Ukrayna nümayəndə heyətlərinin görüşünün planlaşdırıldığını bildirmişdi. Danışıqların üçüncü raundu iyulun 24-nə planlaşdırılıb.
Mayın 26-da və iyunun 2-də İstanbulda keçirilmiş əvvəlki görüşlərdən sonra tərəflər “minə min” formatında əsirlərin dəyişdirilməsi, o cümlədən hər tərəfdən azı min nəfərin dəyişdirilməsi şərti ilə “hamı üçün” prinsipi ilə ağır xəstə və gənc məhbusların qaytarılması barədə razılıq əldə ediblər.
Əli Babayev
Bütün xəbərlər Facebook səhifəmizdə
USD
EUR
GBP
RUB