Türkiyənin ən acı bibərinin Hatayda yetişdiyini bilirsinizmi? SİA bu barədə Tükiyə saytlarına istinad edir.
Əvvəla deyin görək, acı bibər sevirsinizmi? Günümüzdə acı bibərin orqanizmi xəstəliklərdən qoruduğu sübuta yetirilib. Bibər istehsalında dünyada əhəmiyyətli yerə sahib olan Türkiyənin ən acı bibəri Hatayın Samandağ rayonunda yetişir. Bu bibәr növü torpaq və hava şəraitinə görə yalnız Samandağ bölgəsində yetişir. Bibəri acı edən maddə tərkibindəki kapsaisindir. Bu maddə dilimizdəki reseptorlara bağlanır və istilik hissi verir.
Samandağ bibərinə yalnız Türkiyədə deyil bütün dünyada üstünlük verilir. Samandağ bibəri qalın qabığı ilə seçilir, sulu və çox acıdır. Samandağ bibərinin sağlamlığa faydaları çoxdur. Yağ yandıran xüsusiyyətә malik olan Samandağ bibəri insanı arıqladır və çəkini normallaşdırır, həzm sistemini stabilləşdirir.
Tərkibində yüksək lif nisbəti ilə qəbizliyi də aradan qaldırır. Güclü antioksidant olan Samandağ bibərinin ürək xəstəliklərinin yaranmasının qarşısını aldığı bildirilir. Tərkibində yüksək miqdarda C vitamini olduğu üçün immunitet sistemini də gücləndirir. Dərinin parlaq və sağlam görünməsini təmin edən Samandağ bibəri xolesterol səviyyəsini də azaldır. Bütün bu faydalarına baxmayaraq, mədə və bağırsaq problemləri olan insanlar bu bibəri ehtiyatla istehlak etməlidirlər. Həddindən artıq istehlak edildikdə mədə və bağırsaqlarda qıcıqlanmaya səbəb olan Samandağ bibərinin təzyiq xəstələri və hamilə qadınlar tərəfindən istehlak edilməməsi tövsiyə edilir.
Bütün xəbərlər Facebook səhifəmizdə
USD
EUR
GBP
RUB
