...Dünyanın ən böyük pensiya fondlarından 40-ı, sığorta şirkətləri və suveren fondlar iqlim dəyişikliyi ilə bağlı artan sistem riskləri barədə xəbərdarlıq ediblər.
SİA-nın əldə etdiyi məlumata görə, “Financial Times” xəbər verir ki, bu bəyanatlar maliyyə sektorunun Antalyada keçirilən BMT-nin COP31 iqlim sammitində iştirakı fonunda verilib.
...Sinqapurun “Temasek”, Danimarkanın PFA pensiya fondu və Böyük Britaniyanın “Legal & General” sığorta şirkətinin iştirakı ilə keçirilən qapalı iclasda maliyyə sabitliyi üçün risklər müzakirə edilib.
Müzakirədə ABŞ-ın keçmiş vitse-prezidenti, Generation Investment Management-in həmtəsisçisi Al Qor da iştirak edib.
Görüş iştirakçılarından biri bildirib ki, uzunmüddətli investorlar iqlim dəyişikliyi ilə bağlı sistemli risklərdən narahat olduqlarını bildiriblər.
İki il əvvəl iqlim sammitində iştirakçı ölkələr 2035-ci ilə qədər iqlim dəyişikliyi ilə mübarizə üçün maliyyəni ildə 300 milyard dollara çatdırmaq barədə razılığa gəliblər.
Dövlət və özəl mənbələrdən vəsait toplamaq üçün ümumi məqsəd hər il 1,3 trilyon dollardır.
Braziliya prezidenti Luiz İnasio Lula da Silva və Braziliya İnkişaf Bankı (BNDES) iqlim layihələri üçün vəsait toplamaq planını təqdim ediblər.
“Financial Times” yazır ki, burada BMT-nin İqlim Dəyişikliyi üzrə Çərçivə Konvensiyasında iştirak edən ölkələr tərəfindən yaradılmış Yaşıl İqlim Fondu və özəl investorlar iştirak edəcəklər.
Danimarka pensiya fondunun PFA nümayəndəsi Rasmus Bessing COP31-ə investorlar və inkişaf bankları ilə həyat qabiliyyətli ekoloji layihələrin həyata keçirilməsi şərtlərini müzakirə etmək üçün gəldiyini söylədi.
Hollandiya Mərkəzi Bankının prezidenti və Avropa Mərkəzi Bankının İdarə Heyətinin üzvü Olaf Sleijpen bildirib ki, iqlim sərmayəsi ilə bağlı əsas problem pul çatışmazlığı deyil, investorlara inam yaradacaq uzunmüddətli və ardıcıl siyasətlərin olmamasıdır.
O əlavə edib ki, iqlim dəyişikliyinin qarşısını almaq üçün bərpa olunan enerji mənbələrinin payını artırmaq kifayət deyil, emissiyaların sıfıra enməsinə nail olmaq lazımdır.
İqlim dəyişikliyi banklar, sığorta şirkətləri və bütün maliyyə sistemi üçün risklər yaradır.
Onun sözlərinə görə, vaxtında və əlaqələndirilmiş tədbirlər 2030-cu ilədək iqlim dəyişikliyi ilə mübarizənin iqtisadi xərclərini demək olar ki, yarıya qədər azalda bilər - təxirə salınmış fəaliyyət ssenarisi ilə müqayisədə qlobal ÜDM-in 1,3-dən 0,5 faizə qədər…
Avropanın ən böyük sığorta şirkəti Allianz SE xəbərdarlıq edib ki, iqlim dəyişikliyi qlobal maliyyə sistemi üçün təhlükə yarada bilər. Qlobal istiləşmə ilə əlaqədar bəzi regionlardakı sığortaçılar artıq iqlim risklərini ödəyə bilməzlər.
Allianz idarə heyətinin üzvü Günter Tallinger bir il əvvəl demişdi ki, bu, öz növbəsində ipotekaya, daşınmaz əmlak tikintisinə və uzunmüddətli investisiyalara təhlükə yaradacaq.
Əli Babayev
Bütün xəbərlər Facebook səhifəmizdə




USD
EUR
GBP
RUB