FT: Tramp, Putin və Si dünyanı bölmək iqtidarında deyillər...

İndiki qüvvələr balansı onlara dünya nizamını müəyyən etməyə imkan vermir...
FT: Tramp, Putin və Si dünyanı bölmək iqtidarında deyillər...

...ABŞ prezidenti Donald Tramp, Çin lideri Si Cinpin və Rusiya diktatoru Putinin Çinin Şençjen şəhərində gözlənilən görüşü çətin ki, 1945-ci il Yalta konfransı xətti ilə dünyanın təsir dairələrinə bölünməsinə gətirib çıxarsın.

Hazırkı liderlərin dünyanın qalan hissəsinə şərtlər diktə etmək üçün kifayət qədər gücü yoxdur.

SİA-nın əldə etdiyi məlumata görə, bunu “Financial Times” (FT) yazır.

Nəşrin köşə yazarı Qideon Rahman hesab edir ki, görüşün əsas nəticəsi birgə fotoşəkil ola bilər.

Putin üçün bu, Rusiyanın hələ də böyük güc kimi qəbul edildiyini nümayiş etdirmək şansıdır.

Si Cinpinin nüfuzlu dünya lideri kimi meydana çıxması və ölkə daxilində mövqeyini gücləndirməsi vacibdir.

Tramp ABŞ aralıq seçkilərindəki uğursuzluqlardan sonra beynəlxalq təsirini nümayiş etdirməkdə də maraqlıdır.

Eyni zamanda, danışıqlar simvolizmdən kənara çıxa bilər. Putin yəqin ki, Ukrayna məsələsini gündəmə gətirməyə çalışacaq.

Əvvəllər Rusiya lideri ilə görüşlərdən sonra Tramp müharibəni Moskva üçün faydalı kimi şərh etməyə meylli idi. Si ilə söhbətlərində o, Tayvanla bağlı çinli danışıq məqamlarını da təkrarladı.

Bununla belə, nüvə tərksilahı məsələsində irəliləyiş gözləmək olmaz: Rusiya danışıqlarda maraqlıdır, lakin Çin hələlik öz arsenalının məhdudiyyətlərini müzakirə etməyə hazır deyil.

Yaltadan əsas fərq üç gücün mövqeyidir.

1945-ci ildə onların orduları dünya müharibəsinin nəticəsini müəyyən etdilər. İndi ABŞ İran və Əfqanıstanda öz məqsədlərinə nail ola bilməyib, rus qoşunları dörd ildən artıq davam edən müharibədən sonra Ukraynanın şərqindən kənara çıxmayıb, Çin isə 23 milyon əhalisi olan Tayvana nəzarəti bərqərar edə bilməyib.

Əli Babayev

Bütün xəbərlər Facebook səhifəmizdə