“Vətəndaşlar şübhəli linklərdən uzaq durmalı, şifrələrini yeniləməli və 2FA işlətməlidir” - MİLLİ TƏHLÜKƏSİZLİK MÜTƏXƏSSİSİ

“Vətəndaşlar şübhəli linklərdən uzaq durmalı, şifrələrini yeniləməli və 2FA işlətməlidir” - MİLLİ TƏHLÜKƏSİZLİK MÜTƏXƏSSİSİ

​“Müasir dünyada müharibələr yalnız səngərlərdə deyil, həm də rəqəmsal məkanda – serverlər, şəbəkələr və məlumat bazaları üzərində aparılır. Azərbaycan da rəqəmsallaşan dövlət idarəçiliyi və güclənən mövqeyi fonunda mütəmadi olaraq kiberhücumlara məruz qalır”.
Bu sözləri SİA-ya açıqlamasında Milli təhlükəsizlik mütəxəssisi Rəşad Rza bildirib.

​Onun sözlərinə görə, hücum edən tərəflərin əsas maraq dairələri, hökumət portalları və vətəndaşların şəxsi məlumatlarını əldə etmək, saxta xəbərlər və kiber-təxribatlarla ictimaiyyətdə inamsızlıq toxumu səpmək, İşıq, su, internet və nəqliyyat sistemlərinin işini dayandırmaqla gündəlik həyatı iflic etməkdir.

​Kiberhücumların Mənbələri:
​Bu hücumlar əsasən Ermənistandakı müəyyən dairələr, eləcə də Azərbaycanın müstəqil siyasətindən narazı olan digər xarici kiberqruplaşmalar tərəfindən maliyyələşdirilir və təşkil edilir.

Hücumlar zamanı gizli proqram təminatlarından (malware) və "fişinq" (phishing) üsullarından aktiv şəkildə istifadə olunur.

​Müdafiə Üçün Hansı Addımlar Atılmalıdır?

​Həm dövlət səviyyəsində, həm də fərdi qaydada ciddi addımlar atılmalıdır:

Hər bir vətəndaş tanıмаdığı linklərə daxil olmamalı, şifrələrini mütəmadi yeniləməli və ikimərhələli autentifikasiyadan (2FA) istifadə etməlidir.

​Özəl şirkətlərin və bankların İT sistemləri dövlətin kibermüdafiə standartlarına uyğunlaşdırılmalıdır.

Cəmiyyətdə kibergigiyena qaydaları haqqında məlumatlılığın artırılması məqsədilə genişmiqyaslı maarifləndirmə tədbirləri həyata keçirilməlidir”.

Müəllif: Günay Hacıyeva

Bütün xəbərlər Facebook səhifəmizdə