Karabük valisi Mustafa Yavuz Hadrianopolis Antik Şəhərinin Türkiyə Mədəniyyət və Turizm Nazirliyinin qərarı ilə rəsmi açıq muzey elan edildiyini açıqlayıb. SİA bu barədə Türkiyə saytlarına istinad edir.
Mustafa Yavuz Mədəniyyət və Turizm Nazirliyi tərəfindən Hadrianopolis Antik Şəhərinin Safranbolu Muzey İdarəsinə bağlı açıq muzey kimi qeydə alınmasının məqsədəuyğun hesab edildiyini bildirib. O, bu qərarın tarixi və mədəni irsin qorunması və tanıdılması baxımından mühüm bir addım olduğunu vurğulayaraq “Bu hadisə Hadrianopolisin turizmdə layiq olduğu mövqeyə çatmasına töhfə verəcək. Tarixin izini sürmək istəyən bütün ziyarətçilərimizi Hadrianopolisi kəşf etməyə dəvət edirik” ifadələrini işlədib.
Bütün xəbərlər Facebook səhifəmizdə
USD
EUR
GBP
RUB