"Azərbaycanda mövcud sosial-iqtisadi şərtləri nəzərə almış olsaq, dövlət pensiya fondu modeli daha adekvatdır. Çünki faktiki olaraq burada zəmanət vardır və Azərbaycanda vətəndaşların maliyyə alətlərinə yaxud da maliyyə münasibətlərində ki, davranışlarının təhlilinə diqqət yetirsək, görərik ki, zəmanəti olmayan mexanizmlərə etibar çox aşağıdır". Bu sözləri SİA-ya açıqlamasında iqtisadçı ekspert Rəşad Həsənov deyib.
Onun sözlərinə görə, hətta dövlətin belə təminat verdiyi dövlət sosial müdafiə mexanizminə güvən əhalidə aşağıdır: "Çünki yaş həddi, pensiyanın təyin edilməsi meyarları məsələsi və s. bu istiqamətdə insanlara ən çox narahatlıq verən məqamlardandır. Xüsusilə də nəzərə alsaq ki, kişilərə münasibətdə hər iki nəfərdən biri pensiya yaşına çatmadan vəfat edir, yaxud da pensiya kartlarına münasibətdə miraslıq təyin edilmir, pensiya kapitalının müəyyən bir hissəsinin ehtiyac olduğu təqdirdə istifadəsi üçün şərait yaradılmır və s, yəni orta uzun müddətli dövrdə planlama tələb edən belə bir sistemin dövlət təminatı olmasına baxmayaraq parametrlərin özünün doğurduğu güvənsizlik də vardır. Amma buna baxmayaraq qanunlar əsasında fəaliyyət göstərən, dövlətin bütün resursları ilə dəstəklədiyi, müstəqillik dövründən bu tərəfə davamlı olaraq dövlət büdcəsindən subsidiyalaşdırılmış pensiya öhdəliklərinin yerinə yetirilməsi siyasətini özündə əhatə edən dövlət modeldir.
Amma özəl pensiya fondu təbii ki, mütərəqqi bazarlarda, mütərəqqi cəmiyyətlərdə əhalinin rifahını effektiv şəkildə təmin edilməsi, bu istiqamətlərdə əhaliyə əlavə alətlərin, mexanizmlərin təqdim edilməsi, maliyyə bazarlarında aktivliyin artırılması baxımından əhəmiyyətlidir".
Bütün xəbərlər Facebook səhifəmizdə
.jpg)
USD
EUR
GBP
RUB