Almaniyada güclü yağış daşqın əmələ gətirib. SİA xarici mətbuata istinadən xəbər verir ki, daşqının ən dəhşətli özünü göstərdiyi yer Reynland-Pfalz əyaləti olub, burada təxminən 50 nəfər damlarda xilas edilmək üçün gözləyirlər. Dağlıq Eifel bölgəsində bir neçə evin çökməsindən sonra onlarla adam itkin düşüb.
Daşqının çox hissəsi Reynə tökülən Ahr çayının Bonnun cənubundakı sahilləri partlatdığı zaman başlanıb. Polis yanğınsöndürmə briqadalarının və xilasetmə işçilərinin yerləşdirildiyi bir çox yerin olduğunu və xilasetmə tədbirləri davam etdiyi üçün hələ dəqiq bir mənzərənin olmadığını bildirib. Ordu qapalı qalan sakinlərə kömək etmək üçün bəzi bölgələrə göndərilib. Bölgədəki bəzi evlərlə əlaqə tamamilə kəsildiyi üçün artıq bu evlərə ancaq qayıqla çatmaq mümkün olur.
Proqnozlara görə, Almaniyanın çox hissəsində cümə axşamı və cümə günləri daha çox yağış yağacaq. Mütəxəssislər iqlim dəyişikliyinin ekstremal hava hadisələrinin tezliyini artıracağını düşündüklərini, ancaq hər bir hadisəni qlobal istiləşmə ilə əlaqələndirməyin çətin olduğunu deyirlər.
Turqay Musayev
Bütün xəbərlər Facebook səhifəmizdə
USD
EUR
GBP
RUB