...Veizmann Elm İnstitutunun israilli alimləri Bizansın Xirbat əl-Masani monastırında tapılan qeyri-adi 1500 illik dəfnin sirrini açıblar. Orada ağır metal zəncirlərə bağlanmış bir skelet tapılıb.
SİA-nın məlumatına görə, tədqiqat “Journal of Archaeological Science: Reports” elmi jurnalında dərc olunub.
Mütəxəssislər müəyyən ediblər ki, zəncirlər qandal rolunu oynayır - xristian asketləri tərəfindən özünü məhdudlaşdırmaq və təvazökarlıq təcrübəsi kimi taxılan xüsusi çəkilər..?
Tədqiqatçılar DNT analizi aparıb və aşkarlanan skeletin qadına aid olduğunu müəyyən ediblər.
Bu, sürpriz olub, çünki zəncirlərin əsasən kişilər tərəfindən taxıldığına inanılırdı.
Tədqiqatın həmmüəllifi Elisabetta Boaretto, "kişi asketlərin zəncirlərdən istifadə etməsi yaxşı sənədləşdirilmişdir, lakin bu şəkildə basdırılmış qadın tapmaq olduqca nadirdir"-deyib.
…Deyilənlərə görə, 380-ci ildə Xristianlıq Roma İmperiyasının əsas dininə çevrildikdən sonra asketizm geniş yayılıb.
Rahiblər və rahibələr mənəvi həyata diqqət yetirmək üçün dünyəvi ləzzətlərdən imtina ediblər. Kişi asketləri tez-tez hərəkətliliklərini məhdudlaşdırmaq üçün zəncirlərdən istifadə edirdilər ki, bu da onların bədənlərini idarə etməsinə və diqqətlərini duaya yönəltməsinə kömək edirdi.
Qadın asketləri oruc tutmaq, namaz qılmaq və tənhalıq kimi daha az ekstremal üsulları seçməyə meylli idilər.
Kəşf Bizansın dini həyatında qadınların roluna işıq salır və o dövrün asket tətbiqləri haqqında anlayışımızı genişləndirir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
