Dünyada, o cümlədən Azərbaycanda kardioloji və onkoloji xəstəliklərlə bağlı statistik göstəricilər heç də ürəkaçan deyil. Hər il onkoloji və kardioloji xəstələrin sayı artır. Dünyada səhiyyənin əldə etdiyi nailiyyətlərə baxmayaraq, ürək-damar sistemi xəstəlikləri və onkoloji xəstəliklər ölüm sayına görə təəssüf ki, birinci yeri tutmaqda davam edir. SİA xəbər verir ki, bunu Səhiyyə Nazirliyinin Elmi-Tədqiqat Kardiologiya İnstitutunun direktoru Gülnaz Dadaşova jurnalistlərə müsahibəsində deyib.
G.Dadaşovanın sözlərinə görə, dünyada həmin xəstəliklərlə bağlı artan tendensiyanı nəzərə alaraq bu gün ölkəmizdə ilk dəfə olaraq kardioonkologiya sahəsində tədbir keçirilir: "Məqsədimiz həmin xəstəliklərə bir daha diqqətin yönləndirilməsidir. Ən önəmlisi "Kardioonkologiya: problemə müasir baxışlar" mövzusunda konfrans Ulu Öndər Heydər Əliyevin 100 illik yubileyi münasibətilə keçirilən tədbirlər sırasındadır. Tədbir beş sessiyadan ibarətdir. Konfransda Azərbaycanda və Türkiyədə öz sözünü deyən professional həkimlər iştirak edirlər. Hər bir sessiyada kardioloq, onkoloq, kardiocərrah, hematoloq, radioloqlardan ibarət yüksəkixtisaslı ekspertlər aktual mövzuları müzakirə edəcəklər. Tədbirdə 350-dən çox iştirakçı qeydiyyatdan keçib. Ümid edirəm ki, həmin xəstəliklərin müalicəsində multidissiplinar yanaşmanın tətbiq olunmasına nail olacağıq".
Bütün xəbərlər Facebook səhifəmizdə
USD
EUR
GBP
RUB
