Elon Mask özünün "xAI" şirkəti tərəfindən hazırlanmış daha güclü və inkişaf etdirilmiş süni modeli "Grok-3"-ü təqdim edib.
Maskın sözlərinə əsasən bu yeni süni zəka modeli kainatın təbiətini daha yaxşı anlamağa kömək edəcək çat-botdur. Tərtibatçılar bildiriblər ki, "Grok 3" "Grok 2"-dən 10 dəfə daha ağıllıdır.
SİA-nın məlumatına görə, testlər göstərib ki, "Grok 3" riyaziyyat, proqramlaşdırma və elmi araşdırmalar sahəsində "GPT-4o", "Claude 3.5 Sonnet", "Gemini-2 Pro" və "DeepSeek-V3"-dən üstündür.
Mask və "xAI" komandası "Grok 3"-ün yüksək səviyyəli məntiqi düşünmə qabiliyyətinə malik olduğunu və daim inkişaf etdiriləcəyini bildiriblər.
"Grok 3" süni zəka modelində "DeepSearch" adlı yeni funksiya mövcuddur. Bu funksiya istifadəçinin istənilən axtarış sorğusunu götürərək bütün interneti analiz edir və dəqiq, doğru cavabı birbaşa çatda təqdim edir.
Bütün xəbərlər Facebook səhifəmizdə
USD
EUR
GBP
RUB