...Payız yağışları və qısa gündüz saatları təkcə əhval-ruhiyyəyə deyil, həm də münasibətlərə təsir göstərir.
SİA-nın məlumatına görə, rusiyalı psixoloq Olesya İnevskaya ilin bu vaxtında niyə ayrılıqların artdığını izah etdib.
Onun sözlərinə görə, payız münasibətlərin pozulmasına səbəb ola biləcək psixoloji dəyişikliklər gətirir.
Qısa gündüz saatları və pisləşən hava şəraiti serotonin səviyyəsinin azalmasına və bir çox insanda əhval-ruhiyyənin ümumi düşməsinə səbəb olur.
Psixoloq verdiyi açıqlamada əlavə edib ki, payız və qış dövründə günəş işığının olmaması beyində biokimyəvi dəyişikliklərə səbəb olur: depresif əhval-ruhiyyəni gücləndirən və partnyorlar arasında emosional bağlılığı zəiflədən "xoşbəxtlik hormonu" serotoninin istehsalının azalması...
Və nəticədə insanlar daha az dözümlü və daha əsəbi və ya laqeyd olurlar.
Psixoloq həmçinin qeyd edib ki, payız "sonluqların psixoloji mövsümü" hesab olunur.
Təbiətin donduğu və solduğu bu dövrdə insanlar həyatları haqqında düşünməyə və nəticə çıxarmağa daha çox meyllidirlər.
Sakit bir mühitdə onlar münasibətlərindən daha kəskin narazılıq hiss edə bilərlər.
Neyrobioloji baxımdan bu, kontekstdən asılı yaddaşın təsiri ilə izah olunur: payız atmosferinin qayıtması avtomatik olaraq keçmiş emosional vəziyyətlərin xatirələrini tetikler ki, bu da insanların hazırkı münasibətlərini necə qəbul etmələrinə təsir göstərə bilər.
Bundan əlavə, yayın sonu və gündəlik həyata qayıtmaq münasibətlərin dinamikasını dəyişdirə bilər.
Yay aylarında romantika və tətillər gərginliyi gizlədə bilər və ilin sonunun yaxınlaşması insanları şəxsi həyatlarını yenidən qiymətləndirməyə sövq edir.
Bu da ekspertin gəldiyi qənaətdir.
Nazlı Almuradova
Bütün xəbərlər Facebook səhifəmizdə
.jpg "Əməliyyatlar DAYANDIRILSIN - PUTİN GÖSTƏRİŞ VERDİ!")
.jpg "Adnan Əhmədzadə DUBAYDA QIZLARLA.. - ŞOK FAKTLAR!")
USD
EUR
GBP
RUB