...Ayı nəsli kəsilməkdə olan obyektlər siyahısına daxil etmək qərarı tamamilə məntiqlidir və haqlıdır. Yerin peykində yerləşən artefaktlar asanlıqla zədələnə bilər.
SİA-nın məlumatına görə, bu fikri rusiyalı astrofizik Sergey Popov deyib.
O, “Gazeta.Ru” ilə söhbətində qeyd edib ki, Ayın aktiv şəkildə tədqiqi hələ çox uzaqda olsa da, mümkün nəticələr barədə artıq düşünməyə dəyər.
Bu çərçivədə Ayın təhlükə altında olan obyektlər siyahısına daxil edilməsi həddindən artıq bir qərar kimi görünmür. Əksinə, bu, ağlabatan addımdır.
Axı artefaktı asanlıqla məhv etmək üçün izi addımlamaq kifayətdir.
Sergey Popov vurğulayıb ki, eniş yerlərinə nəzarətsiz turist və ya hər hansı digər ekspedisiyaları məhdudlaşdırmaq və ya hətta qadağan etmək yəqin ki, ağlabatan olardı.
...Xatırladaq ki, yanvarın 16-da Ümumdünya Abidələr Fondu Ayı nəzarətsiz kosmik turizm səbəbindən təhlükə altında olan illik dünya mədəni irs obyektləri siyahısına daxil edib. Təşkilat, astronavt Nil Armstronqun Aya ilk ayaq basdığı “Apollon -11” eniş sahəsi də daxil olmaqla, Aydakı 90-dan çox mühüm obyektin zədələnə biləcəyindən narahatlığını ifadə edib.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB