2017-ci ildən bəri Şotlandiyada 1500-dən çox körpə narkotik aludəçisi olaraq doğulub.
SİA-nın məlumatına görə, Şotlandiya Liberal Demokrat Partiyasının hazırladığı hesabatda 2017-ci ildən bu yana ölkədə 1501 körpənin narkotik asılılığı ilə doğulduğu bildirilib.
Məlumata görə, buna səbəb anaların hamiləlik dövründə istifadə etdiyi qanuni və ya qeyri-qanuni dərmanlar olub.
Paytaxt Edinburqun da daxil olduğu Lothian bölgəsində 774, Qlazqo və Klayd bölgəsində 221, Aberdinin də daxil olduğu Qrampiyan bölgəsində isə 209 körpənin narkotik aludəçisi olaraq doğulduğu bildirilir.
Hesabatda həmçinin sözügedən körpələrdə nəzarət oluna bilməyən titrəmələr, hiperaktivlik, dəri səpgiləri və yüksək səslə ağlamalar olduğu vurğulanıb.
Hesabatla bağlı açıqlama verən Şotlandiya Liberal Demokrat Partiyasının lideri Aleks Koul-Hamilton Şotlandiya hökumətinin narkotik və narkotiklə bağlı ölümlərlə mübarizədə uğursuzluğa düçar olduğunu vurğulayaraq, hökuməti narkomaniya xidmətlərinə daha çox dəstək verməyə çağırıb.
Bütün xəbərlər Facebook səhifəmizdə
.jpg "Bələdiyyələrin problemləri bitmir: araşdırmamız davam edir!")
USD
EUR
GBP
RUB