Tarixi, təbii və mədəni sərvətləri ilə dünyanın hər yerindən qonaqları qəbul edən Kapadokiyada bu ilin 10 ayında yeraltı şəhərləri 1 milyon 322 min 598 turist ziyarət edib. SİA bu barədə Türkiyə saytlarına istinad edir.
Pəribacaları (Bu bölgədə, vadi yamaclarından enən sel sularının və küləyin, vulkanik püskürtülərdən əmələ gələn maddəni aşındırdığı üçün Pəribacası adı verilən qəribəliklər meydana gəlmişdir) ilə örtülmüş vadiləri və təbii qaya quruluşları, tarixi monastırları, qayalardan oyulmuş kilsə və ibadətgahları, müxtəlif tur fəaliyyətləri, xüsusilə isti hava şarları turları ilə yerli və xarici turistlərin diqqətini çəkən Kapadokiyada yeraltı şəhərlər də diqqət çəkir.
Birləşmiş Millətlər Təşkilatının Təhsil, Elm və Mədəniyyət Təşkilatının (YUNESKO) Ümumdünya İrs Siyahısına daxil olan bölgədəki muzeyləri və tarixi yerləri ziyarət edən qonaqlar yerin bir neçə metr altındakı tarixi yaşayış məntəqələrini əhatə edən turlarda da iştirak edirlər.
Bu ilin yanvar-oktyabr aylarında rayonun yeraltı şəhərlərində 1 milyon 322 min 598 ziyarətçi qəbul edilib.
Yeraltı şəhərlər arasında Kaymaklıya 606 min 820, Derinkuyuya 453 min 456, Özkonak 239 min 541, Tatlarinə 14 min 054, Mazıya 8 min 727 nəfər səfər edib.
Yeraltı şəhərlərə gələn qonaqlar keçmişdə minlərlə insanın eyni anda sığına bildiyi otaqları, anbarları, ibadət yerlərini, keçid tunellərini və toplanma yerlərini ziyarət edə bilərlər.
Bütün xəbərlər Facebook səhifəmizdə
.jpg "20 Yanvar Hadisələrində KİMLƏRİN ƏLİ OLUB? - ŞOK FAKT!")
USD
EUR
GBP
RUB