Son aylarda ərzaq bazarında qiymət artımları ilə bağlı müzakirələr səngimir. Xüsusilə yumurtanın qiymətində baş verən dəyişikliklər istehlakçıların diqqət mərkəzindədir. Bəzi vətəndaşlar qiymətlərin yenidən əvvəlki səviyyəyə enəcəyinə ümid etsələr də, mütəxəssislər bunun mövcud iqtisadi reallıqlarla uzlaşmadığını bildirirlər.
Bəs yumurtanın yenidən əvvəlki kimi 1 qəpiyə satılması mümkündürmü?
Məsələ ilə bağlı iqtisadçı Asif İbrahimov SİA-ya açıqlamasında bildirib ki, yumurtanın əvvəlki qiymətinə qayıtması mövcud iqtisadi şəraitdə real görünmür:
“Son illərdə istehsal xərclərinin əhəmiyyətli dərəcədə artması qiymətlərin köhnə səviyyəyə enməsinə imkan vermir. Yem, enerji, yanacaq, logistika və əməkhaqqı xərcləri əvvəlki illərlə müqayisədə xeyli artıb. Belə bir şəraitdə yumurtanın əvvəlki kimi 1 qəpiyə satılması iqtisadi baxımdan mümkün deyil.
Bazarda müəyyən ucuzlaşmalar baş verə bilər. Lakin bu, əsasən mövsümi amillər və bazarda təklifin artması ilə əlaqədar olacaq. Qiymətlərdə müəyyən enmələr müşahidə oluna bilər. Ancaq onların uzun illər əvvəlki səviyyəyə qayıdacağını gözləmək doğru olmaz. Çünki istehsalın maya dəyəri artıq tamamilə fərqli mərhələyə keçib.
Yaxın perspektivdə yumurta bazarında əsas gözlənti qiymətlərin sabitləşməsi ola bilər. Bununla belə, məhsulun yenidən 1 qəpiyə satılması mövcud iqtisadi şərtlər daxilində real hesab edilmir”.
Bütün xəbərlər Facebook səhifəmizdə
.jpg)
.jpg "Xəlil Qarəhmədovun 70 illik fəaliyyəti")
.jpg "Çernobıl əlili ağır vəziyyətdədir - ARAŞDIRMA")
.jpg "Prezidenti məhkəməyə verdilər")
USD
EUR
GBP
RUB
