Hazırda əhalinin sosial təminatının yaxşılaşdırılması üçün geniş imkanlar yaradılır - Hicran Hüseynova
"Vətəndaşların sosial rifahının yüksəldilməsi və məşğulluq imkanlarının genişləndirilməsi istiqamətində bir sıra mühüm tədbirlər həyata keçirilməlidir. Bu istiqamətdə atılan addımlar, Azərbaycan Respublikasının tarixi inkişaf trayektoriyasının təməlini qoyan və onu uğurla davam etdirən dövlət siyasətinin nəticəsi kimi qiymətləndirilə bilər". SİA xəbər verir ki, bunu millət vəkili Hicran Hüseynova Təbii ehtiyatlar, energetika və ekologiya komitəsinin ictimai dinləməsi zamanı deyib.
Onun sözlərinə görə, hazırda əhalinin sosial təminatının yaxşılaşdırılması və həyat səviyyəsinin yüksəldilməsi üçün geniş imkanlar yaradılır: "Bu prosesin davamlı və hüquqi əsaslarla tənzimlənməsi üçün isə ilk növbədə qanunvericilik bazasının təkmilləşdirilməsi zəruridir.
Hazırkı müzakirə mövzusu da məhz bu baxımdan aktuallıq kəsb edir. Belə ki, sosial-iqtisadi münasibətlərin və təşkilati strukturların hüquqi tənzimlənməsi sahəsində ilk qanunvericilik aktları tarixi baxımdan mühüm əhəmiyyət kəsb edir. Bu məsələnin aktuallığı ondan irəli gəlir ki, keçmiş dövrlərdə yaşayış sahələrinin və sosial obyektlərin əhalinin istifadəsinə verilməsi ciddi qanunvericilik çərçivəsində həyata keçirilmirdi. Müstəqillik illərində bu vəziyyət dəyişdi və vətəndaşlar geniş şəkildə mülkiyyət hüququ əsasında mənzil və digər sosial obyektlərdən istifadə etməyə başladılar. Lakin bir çox hallarda bu obyektlər, o cümlədən məktəblər və digər ictimai təyinatlı binalar qanunsuz yollarla özəlləşdirildi və ya istifadəyə verildi.
Bu baxımdan müasir mərhələdə mülkiyyət münasibətlərinin və sosial təminat sisteminin hüquqi əsaslarının daha da möhkəmləndirilməsi, qanunvericilik mexanizmlərinin təkmilləşdirilməsi və vətəndaşların hüquqlarının qorunması məsələləri ön plana çıxır"- deyə o əlavə edib.
Bütün xəbərlər Facebook səhifəmizdə
USD
EUR
GBP
RUB
