...Çeçenistanda Ramzan Kadırovun rejimi Rusiyasız yıxılacaq. Rusiya lideri Vladimir Putin getsə, Kadırov olmayacaq.
SİA-nın məlumatına görə, bu barədə İçkeriya Çeçenistan Respublikasının Silahlı Qüvvələrinin Ali Baş Komandanı Əbdül-Hakim Şişani RBC-Ukraynaya müsahibəsində danışıb.
O qeyd edib ki, Kadırovun adamları Putinin şəxsi mühafizəçisidir və bu, ona Çeçenistanı idarə etməyə kömək edir. Bunları ümumi cinayətlər birləşdirir: siyasi rəqiblərin, hüquq müdafiəçilərinin və jurnalistlərin qətli…
…Hərbçinin sözlərinə görə, Putin Kadırova Rusiyada tam kart-blanş verib və buna görə də o, hakimiyyətini saxlayır.
…Nə qədər ki, Putin var, Kadırov da var. Amma Putin gedən kimi Kadırov da gedəcək. O, yeni liderlə razılığa gələ bilməyəcək, xüsusən də bu, Federal Təhlükəsizlik Xidmətinin himayədarıdırsa…
Bu gün Federal Təhlükəsizlik Xidmətində bir çox insan Kadırovdan narazıdır və bu problemi həll etmək üçün Putinin getməsini gözləyir.
Bunu da Əbdül-Həkim Şişani qeyd edib.
…O, Çeçenistana hava hücumlarını şərh edərkən qeyd edib ki, bu, Kadırovun nüfuzunu korlayır, lakin bu, onun rejimini devirəcək.
…Rusiya parçalansa, Çeçenistan xalqı özü Kadırovu devirəcək. Rusiyanın dəstəyi olmasa, onun rejimi iki-üç ay belə davam edə bilməz. İnsanlar repressiyalardan yorulub və ondan qurtulmaq üçün hər şeyə hazırdırlar, - deyə Çeçenistan İçkeriya Respublikasının Silahlı Qüvvələrinin Ali Baş Komandanı bildirib.
Əli Babayev
Bütün xəbərlər Facebook səhifəmizdə
USD
EUR
GBP
RUB