Ümumdünya Səhiyyə Təşkilatı (ÜST) Suriyada təcili tibbi yardıma ehtiyacı olan 15 milyondan çox insan olduğunu bildirilib və "kövrək və mürəkkəb bir prosesdən keçən suriyalılar üçün" qlobal yardım çağırışı edib.
SİA-nın məlumatına görə, Ümumdünya Səhiyyə Təşkilatının (ÜST) sözçüsü Marqaret Harris dekabrın 8-də Suriyada Bəşər Əsəd hökumətinin devrilməsindən sonra səhiyyə sahəsində baş verənlərlə bağlı açıqlama verib.
2011-ci ildə başlayan vətəndaş müharibəsindən sonra Suriyada xalqı dəstəklədiklərini ifadə edən Harris artıq kövrək və mürəkkəb bir keçid prosesinin olduğunu, lakin ÜST-nin yerli və milli səviyyədə humanitar yardımları davam etdirdiyini bildirib.
Harris deyib: "Suriyada əsas məqsədimiz dayanıqlığı artıraraq gələcəyi yenidən qurmaq, eyni zamanda təcili tibbi yardım xidmətləri göstərməkdir. Bununla belə, görüləcək çox iş var. Hazırda Suriyada təcili ehtiyacı olan 15 milyondan çox insan var. Milyonlarla məcburi köçkünlər də var, bir çox səhiyyə müəssisəsi zədələnib, xəstə qəbulu da həddindən artıq olub. Yaxşı xidmət göstərilməsi üçün kifayət səviyyədə qaynaq təqdil edilməyib".
Yardıma ehtiyacı olan çox sayda yaralı səbəbiylə funksional xəstəxanaların travmaya cavab imkanlarını genişləndirdiklərini vurğulayan Harris ölkəyə əlavə cərrahi dəstlər apardıqlarını ifadə edərək, "Biz əlçatmaz yerlərə tibbi işçilər göndəririk. Hazırda yardımı artırmaq kritik prosesdir. Maliyyə boşluğu böyükdür, ona görə də bizim maliyyələşdirməyə ehtiyacımız var. Mütləq çoxlu avadanlıq və ləvazimat almalıyıq. Suriyadakı insanları dəstəkləməyə cəhd edirik.Hazırda dünyanın bizə dəstək verməsi lazım olan bir dövrdən keçirik" deyib.
Bütün xəbərlər Facebook səhifəmizdə
.jpg)
USD
EUR
GBP
RUB