Əfqanıstan İslam Əmirliyinin Ali Rəhbəri Haybətullah Axundzadə evlərin pəncərələrində qadınlara baxmağı qadağan edib.
O, fərmanla qadın nümayəndələrin onlardan görünməməsi üçün sakinlərin evlərində pəncərələrin və havalandırma kanallarının dizaynını və tikintisini tənzimlədi.
SİA xarici qaynaqlara istinadən xəbər verir ki, bu barədə Telegram-da Tolo xəbər portalı məlumat yayıb.
Sənədə əsasən, əfqan sakinlərinin evlərində pəncərələr elə yerləşdirilməlidir ki, qonşu evlərdən qadınlar görünməsin. Fərman, pəncərələri qadın nümayəndəsinin yerləşə biləcəyi qonşu binanın mətbəxinə baxarsa, bir-birinə bitişik binaların tikintisini qadağan edir.
Həmçinin vurğulanır ki, pəncərə başqa yaşayış binası ilə üzbəüz olduqda, onun qarşısında insan hündürlüyündə divar hörmək və ya “qonşuya hər hansı başqa yolla zərər vurmamaq üçün” şərait yaratmaq lazımdır.
Oktyabrın 11-də BMT baş katibinin xüsusi nümayəndəsi və UNAMA-nın rəhbəri Roza Otunbayeva Əfqanıstan hakimiyyətini 12 yaşdan yuxarı qızların təhsil almasını qadağan edən siyasətə yenidən baxmağa çağırıb.
Bundan əlavə, o, dövlətin qızlarına və qadınlarına söz verib ki, təşkilat onları “susdurmağa çalışsalar belə, onları müdafiə etməyi dayandırmayacaq”.
Əli Babayev
Bütün xəbərlər Facebook səhifəmizdə
USD
EUR
GBP
RUB