Astronomlar həm Yupiter, həm də Saturnu xatırladan iki qeyri-adi ekzoplanet aşkar ediblər.
SİA-nın məlumatına görə, bu, İrvin Kaliforniya Universitetinin rəhbərlik etdiyi beynəlxalq tədqiqatçılar qrupu tərəfindən Transiting Exoplanet Survey Satellite (TESS) məlumatlarından istifadə etməklə həyata keçirilib.
TOI-5916 b və TOI-6158 b adlı planetlər qırmızı cırtdanların orbitindədirlər - Günəşin ölçüsü və kütləsinin təxminən yarısı olan M sinif ulduzları…
Onların sıxlığı Saturnun sıxlığı ilə müqayisə edilə bilər və ölçüləri Yupiterinkinə bənzəyir.
TOI-5916 b-nin radiusu Yupiterdən 1,05 dəfə, kütləsi isə təxminən 0,69 dəfə çoxdur.
O, öz ulduzunun ətrafında hər 2,37 gündə 0,028 astronomik vahid məsafədə fırlanır və nəticədə təxminən 440°C temperatur olur.
İkinci planet, TOI-6158 b, bir qədər kiçikdir: Yupiterin radiusundan 0,93 dəfə və kütləsindən 0,42 dəfə…
Onun ili 3,04 Yer günü davam edir və temperaturu təxminən 362°C-dir. Hər iki planet kosmik standartlara görə nisbətən yaxındır - Yerdən 592 və 639 işıq ili.
Tədqiqatçılar hesab edirlər ki, bu isti qaz nəhəngləri Yupiterə bənzər planetlərin digər ulduzların ətrafında necə əmələ gəldiyini daha yaxşı anlamağa kömək edəcək.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB
