Gürcüstanın yunan-Roma güləşçisi Yakob Kadjaya (130 kq) üç dopinq testindən keçmədiyi üçün iki il müddətinə yarışlardan diskvalifikasiya olunub. SİA xəbər verir ki, bu barədə Beynəlxalq Dopinq Test Agentliyinin (İTA) mətbuat xidməti məlumat yayıb.
2023 və 2024-cü illərdə dopinq işçiləri üç dəfə müvafiq prosedurdan keçmək üçün idmançını tapa bilməyiblər.
Bu səbəbdən ötən il ITA İdman Arbitraj Məhkəməsinə (CAS) şikayət ünvanlayıb və aprel ayında güləşçinin antidopinq qaydalarını pozduğu aşkar edilib.
Onun diskvalifikasiya müddəti 2027-ci il, aprelin 3-də başa çatacaq. Bundan başqa idmançının 2024-cü il yanvarın 6-dan bəri qazandığı bütün nəticələr ləğv edilib. Kadjayanın qərardan CAS-a şikayət etmək hüququ var.
Qeyd edək ki, Yakob Kadjaya Tokio-2020 Olimpiadasının gümüş mükafatçısıdır. 31 yaşlı idmançının dünya çempionatında (2019, 2021) iki bürünc medalı da var.
Bütün xəbərlər Facebook səhifəmizdə
.jpg "Faciəni törədənlər bəlli idi")
USD
EUR
GBP
RUB
