“Məlumatlara əsasən, pnevmoniya xəstəliyi mövsümi xarakter daşıyır və əsasən ilin soyuq aylarında, xüsusilə noyabr, dekabr və yanvar aylarında daha geniş yayılır”.
Bu sözləri SİA-ya açıqlamasında pediatr Qoşqar İsmayılov bildirib.
Onun sözlərinə görə, bu dövrdə hava temperaturunun aşağı düşməsi, insanların qapalı məkanlarda daha çox vaxt keçirməsi, immun sisteminin zəifləməsi və respirator infeksiyaların artması pnevmoniyanın yayılması üçün əlverişli şərait yaradır:
“Pnevmoniya əsasən ağciyər toxumasının iltihabı ilə xarakterizə olunan ciddi infeksion xəstəlikdir və vaxtında diaqnostika olunmadıqda ağır fəsadlara səbəb ola bilər. Xəstəliyin klinik əlamətləri arasında ən çox rast gəlinən şikayətlər yüksək hərarət, bəlğəmli öskürək, təngnəfəslik, ümumi zəiflik və halsızlıqdır. Bəzi hallarda sinə ağrıları, titrətmə və iştahsızlıq da müşahidə oluna bilər.
Risk qruplarına xüsusilə uşaqlar, yaşlı insanlar, xroniki xəstəlikləri olan şəxslər və immun sistemi zəif olan pasiyentlər daxildir. Bu kateqoriyaya aid şəxslərdə pnevmoniya daha ağır gedişli ola və xəstəxana şəraitində müalicə tələb edə bilər.
Pnevmoniya mövsümi artım göstərən, lakin düzgün tibbi yanaşma və profilaktika ilə nəzarətdə saxlanıla bilən ciddi sağlamlıq problemidir və bu sahədə maarifləndirmənin aparılması ictimai sağlamlıq baxımından mühüm əhəmiyyət daşıyır”
Bütün xəbərlər Facebook səhifəmizdə
USD
EUR
GBP
RUB