Alimlər Marsda nəzəri olaraq qədim yadplanetli həyatı saxlaya biləcək sirli “boru kəməri” aşkar ediblər. Bu çökəkliyin girişi Tarsis bölgəsindəki vulkanın kənarında yerləşir və ölçüsü təxminən 150 fut (46 m) olan kraterə bənzəyir.
Tədqiqatçılar bunun canlıları radiasiyadan və Qırmızı Planetdəki ağır şərtlərdən qoruya biləcəyini deyirlər.
SİA xarici qaynaqlara istinadən xəbər verir ki, bu barədə Daily Mail yazır.
Elm adamları tapılan “zindan”ın nə qədər dərin olduğunu hələ bilmirlər, lakin onlar bunun böyük ehtimalla vulkanın partlaması zamanı əmələ gələn yeraltı lava borusu olduğunu ehtimal edirlər.
...Biz Marsda birdən çox belə dəlik görmüşük. Onlar tədqiqat üçün çox maraqlıdırlar, çünki astronavtların özlərini radiasiyadan qoruya biləcəyi yer budur.
Bunu Günəş sistemindəki zərbə kraterlərini tədqiq edən Purdue Universitetindən Brandon Conson Business Insider-ə bildirib.
...Marsın atmosferi çox nazik olduğundan və orada Günəş küləklərinin zərərli təsirlərini əks etdirəcək maqnit sahəsi olmadığından, planetin səthində insanlar üçün təhlükəli radiasiya səviyyəsi mövcuddur.
Bu, oraya enə biləcək astronavtlar üçün ciddi sağlamlıq problemi yaradır. İlk kolonistlər katarakta, ürək xəstəlikləri, xərçəng və bir sıra genetik patologiyalar riskini daşıyırdılar. ...Yer üzündə bu lava boruları bəzən gəzmək üçün kifayət qədər böyük olur, lakin həmişə deyil. İçərisinə baxmayana qədər dəqiq bilməyəcəyik. Ən yaxşı yol ora bir rover göndərməkdir.
Bunu isə SETI İnstitutunun planetoloqu Ross Bayer deyir.
...Marsda belə minaların olması orada həyatın olduğuna zəmanət vermir, lakin bura baxmaq üçün yaxşı yerdir.
Bunu yenə də Brandon Conson əlavə edib.\
Əli Babayev
Bütün xəbərlər Facebook səhifəmizdə
USD
EUR
GBP
RUB