...Slovakiyada hazırlanmış hibrid avtomobil-təyyarə AirCar ilk uçuşunu bir sərnişinlə etdi. Auto Evolution portalının məlumatına görə, avtomobil elektron musiqinin pioneri Jan-Mişel Jarre tərəfindən sınaqdan keçirilib.
SİA-nın xarici qaynaqlardan əldə etdiyi məlumata görə, hibrid idman avtomobili və təyyarə 2022-ci ildə uçuşa yararlılıq sertifikatı alıb.
Qeyd edək ki, avtomobil-təyyarənin götürdüyü yanacaq 1000 km uçuşa kifayət edir.
Avtomobil-təyyarə yerə endikdən sonra qanadlar gövdəyə, yəni bizlərdə deyildiyi kimi “qarnına” çəkilir və Siz artıq “trasa” çıxıb sürə bilərsiniz.
...AirCar ümumi çəkisi 200 kq-a qədər olan iki nəfəri daşıya və 300 km/saat sürətlənə bilər.
Və əhəmiyyətli məqam ondan ibarətdir ki, uçan taksilərin prototiplərindən fərqli olaraq, bu transformator şaquli olaraq qalxıb enə bilməz: ona uçuş-enmə zolağı lazımdır.
Bundan əlavə, AirCar avtomobildən təyyarəyə çevrilmə anı 2 dəqiqə 15 saniyə çəkir.
Onu da qeyd edək ki, avtomobil-təyyarənin satışları bu il üçün nəzərdə tutulub, lakin qiyməti hələ açıqlanmayıb. ...Amma ehtimal ki, AirCar-ən qiyməti 500 minlə bir milyon dollar arasında ola bilər.
Yeri gəlmişkən, avtomobili idarə etmək üçün pilotluq vəsiqəsi də olmalıdır.
Nazlı
Bütün xəbərlər Facebook səhifəmizdə
USD
EUR
GBP
RUB
