Qatarla Anadolunu kəşf etmək üçün yola düşəcək səyahətçilər üçün siyahıya daha iki marşrut əlavə edilib.
Turizm Şərq Ekspresinin nağıllardakına oxşar səyahəti bu mövsüm dekabrın 11-də Tarixi Ankara vağzalından başlayıb və martın 10-da Qarsdan yola düşən qatarla tamamlanıb.
SİA-nın türk saytlarından əldə etdiyi məlumata görə, bu reyslərdə 11 min 611 sərnişin səyahət edib.
Nəqliyyat və infrastruktur naziri Abdulkadir Uraloğlu turist qatar xidmətləri ilə bağlı daha bir şad xəbər verib.
Uraloğlu turist qatar xidmətlərinə böyük marağın olduğunu ifadə edərək, "Biz səyahət edənlərə iki yeni marşrut təklif edirik. Ankara-Diyarbəkir-Ankara Turizm Qatarı Ankara ilə Diyarbəkir arasında, Ankara-Tatvan-Ankara Turizm Qatarı isə Ankara ilə Tatvan arasında fəaliyyətə başlayacaq" deyib.
Turist qatarları 9 yataq vaqonundan və yeməkxanadan ibarət olacaq və ev rahatlığında səyahət etmək imkanı verəcək.
Qatar marşrutunda fasilələr zamanı sizə təbii, tarixi və mədəni dəyərləri görmək imkanı veriləcək.
Ankara-Diyarbəkir-Ankara Turizm Qatarı paytaxtdan aprelin 19-u Türkiyə vaxtı ilə saat 15.55-də (TÜİK), Diyarbəkirdən isə aprelin 21-i Türkiye vaxtı ilə saat 12.00-da yola düşəcək.
Ankara-Tatvan-Ankara Turizm Qatarı Ankaradan 17 aprel saat 15.55-də, Tatvandan isə 19 aprel saat 06.35-də yola düşəcək.
Qatarlar iyun ayına qədər müəyyən günlərdə qarşılıqlı xidmət göstərəcək və bəzi mərkəzlərdə dayanacaq. Bu həftədən bu qatarlara bilet satışı başlayıb.
Bütün xəbərlər Facebook səhifəmizdə
USD
EUR
GBP
RUB