Bu ilin yanvar-iyun aylarında Azərbaycan Türkiyədən 64,647 milyon ABŞ dolları dəyərində polad idxal edib.
SİA Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 43,9 % çoxdur.
Təkcə iyunda isə Türkiyə Azərbaycana 11,94 milyon ABŞ dolları dəyərində polad ixrac edib ki, bu da 1 il əvvələ nisbətən 59,5 % çoxdur.
Türkiyənin 6 ayda polad ixracının ümumi dəyəri illik müqayisədə 1,7 % artaraq 8 milyard 384 milyon ABŞ dolları, iyunda isə 22,4 % artaraq 1 milyard 750,276 milyon ABŞ dolları olub.
Türkiyədən ən çox bu məhsulun idxalını Rumıniya 713,126 milyon ABŞ dolları (1 il əvvələ nisbətən 7 % az), İtaliya 581,24 milyon ABŞ dolları (+2,3 %) və Böyük Britanya 487,956 milyon ABŞ dolları (+85,4 %) dəyərində həyata keçirib.
Bütün xəbərlər Facebook səhifəmizdə
USD
EUR
GBP
RUB