...SİA-nın məlumatına görə, “The Guardian” yazır ki, avropalı diplomatların fikrincə, İran hakimiyyəti beynəlxalq müfəttişlərin onların nüvə obyektlərinə daxil olmasına mane olmağa çalışır, çünki onların İsrail Hərbi Hava Qüvvələri tərəfindən məhv edilməsi barədə məlumatın ictimaiyyətə çıxmasından qorxurlar.
Rəsmi Tehran üçün bu, sözün əsl mənasında fəlakət demək olardı: ayətullahlar İsrailin iki həftədən az bir müddətdə Yer üzündən sildiyi layihəyə uzun illər və külli miqdarda pul xərcləyiblər.
...Bundan sonra yalnız özünü asa bilərdin. Əslində, bu versiyanın meydana çıxması siyasi texnologiya baxımından parlaq gedişdir - reallığa nə qədər uyğun olmasından asılı olmayaraq.
İndi bu yozum iranlılar arasında çox sürətlə yayılacaq, çünki rejim həqiqətən də populyar olmayanda ona hər hansı mənfilik yapışır. Bütün versiyalardan insanlar avtomatik olaraq hakimiyyət üçün ən əlverişsiz olanı seçirlər.
...Bu versiyanın fonunda, əvvəllər prinsipial çalarları olan İran hakimiyyətinin inadkarlığı tamam başqa çalarlarda oynamağa başlayır: “Ah, belə çıxır ki, onlar sadəcə öz ayıblarını gizlədirlər”.
Bunun məhz belə olacağını başa düşmək üçün ölkənin əvvəlki prezidenti Rəisinin ölümündən az sonra keçirilən GAMAAN sorğusunun nəticələrini xatırlamaq kifayətdir.
İranlıların yalnız 13 faizi onun helikopterinin pis hava şəraiti səbəbindən qəzaya uğraması ilə bağlı rəsmi versiyaya inanıb. 57 faiz qəzanın mərhumun əleyhdarlarından biri tərəfindən törədildiyinə inanır.
İndi də belə olacaq.
Onlar inanacaqlar ki, müfəttişlərə icazə verilməməsi İsrailin ayətullahlar üçün uğurları haqqında alçaldıcı həqiqəti üzə çıxarmaq qorxusundan qaynaqlanır və bütün gücləri ilə bunu inkar etməyə çalışırlar.
Əli Babayev
Bütün xəbərlər Facebook səhifəmizdə
USD
EUR
GBP
RUB