Sızanaqlar ən çox görülən dəri problemlərindəndir. SİA-nın Türkiyə mətbuatına istinadən verdiyi məlumata görə, sızanaq problemi ilə yalnız yetkinlik yaşında deyil, həyatın müəyyən dövrlərində qarşılaşmaq mümkündür. Tibbi metodlarla yanaşı, sızanaqları evdə hazırlaya biləcəyimiz təbii maskalarla da müalicə etmək olur.
Sızanaqlar nədən yaranır?
Sızanaqların həyatımızın hər dövründə görünə biləcəyi bir neçə səbəb var.
Homon balanssızlığı
Həddindən artıq yağ istehsal edən dəri tıxanmış məsamələr
Siqaret və alkoqol
Sızanaqlarınızdan qurtula bilmirsinizsə, əvvəlcə dermatoloqa müraciət etmək faydalıdır. Bəzən baş verən sızanaqlar ilə mübarizə aparmaq və sızanaq əmələ gəlməsinin qarşısını almaq üçün evdə hazırlanan təbii maskalardan istifadə edə bilərsiniz.
Bal maskası
Lazımi materiallar aşağıdakı kimidir:
1,5 çay qaşığı sarıkök
1 xörək qaşığı limon suyu
1,5 xörək qaşığı bal
Hazırlanması: Bütün maddələri bir qabda qarışdırın. Dərinizi təmizləyin. Hazırladığınız maskanı sızanaq sahəsinə çəkin və 20 dəqiqə gözləyin. Maska quruyanda üzünüzü soyuq su ilə yuyun. Bu maskanı həftədə iki dəfə tətbiq edə bilərsiniz.
Soda və limon maskası
Lazımi materiallar aşağıdakı kimidir:
1 xörək qaşığı soda
1 xörək qaşığı limon suyu
Hazırlanması: Çörək soda və limon suyunu bir qabda yaxşıca qarışdırın. Taxta qaşıqdan istifadə etməyə diqqət yetirin. Üzünüzü təmizləyin və qurudun. Qarışığı barmaqlarınızla bütün üzünüzə çəkin və 15 dəqiqə gözləyin. Sonra soyuq su ilə yuyun. Həftədə 2-3 dəfə təkrar edə bilərsiniz.
Ayşən Vəli
Bütün xəbərlər Facebook səhifəmizdə