Dərimizi gözəlləşdirmək üçün kosmetik məhsullardan istifadə edirik. Ancaq sağlam və parlaq bir dəriyə sahib olmaq üçün bədəni daxildən qidalandırmaq lazımdır. SİA-nın məlumatına görə, dəri üçün faydalı olan qidalar aşağıdakılardır:
1. Brokoli
Çarmıxa bitkisi olan brokoli, bol C vitamini ehtiva edir. C vitamini qırışları aradan qaldırmaq üçün işləyən dərimizdə kollagen istehsalını dəstəkləməyə kömək edir. Brokoli ayrıca sink, A vitamini ehtiva edir.
2. Yaşıl çay
Yaşıl çayın yarpaqlarında tapılan "kateşin" adlı xüsusi bir maddə dəri sağlamlığına bir çox mənfəət gətirir. Kateşin, günəşin zərərli şüalarından və iltihabından qoruyan bir antioksidant rolunu oynayır. Kateşinlərin dərinin təbii elastikliyini və nəmliyini təmin etdiyi də sübut edilmişdir.
3. Avokado
A, D və E vitaminləri ilə zəngin olan avokado sağlam və doymamış yağlar ehtiva edir. Avokado ilə hazırlanan maskalar dəri üçün çox faydalıdır.
4. Zeytun yağı
Zeytun yağı xolesterol balansını tənzimləyir, ürək xəstəlikləri və diabet riskini azaldır. Zeytun yağı, dərinin bəslənməsini və nəmlənməsini təmin edən yüksək miqdarda doymamış yağ ehtiva edir.
5. Qara şokolad
Kakao dərinin toxumasını bərpa edir və nəm təmin edir. Hətta qan dövranını artırdığı sübut edilmiş flavenol adlanan bir çox antioksidan var.
6. Qızıl balıq
Qızıl balıq sağlam dəri üçün vacib olan omeqa-3 və omeqa-6 yağ turşuları ilə zəngindir. Bir araşdırmaya görə, bu iki növ yağ turşusu dərinin nəmli olmasına, iltihabla mübarizə aparmasına və dərini ətraf mühit amillərindən qorumasına kömək edir.
7. Pomidor
Pomidorlara qırmızı rəng verən fitokimyəvi likopen dərimizi günəşdən təsirləndiyimiz sərbəst radikallardan qorumağa kömək edir. Pomidoru əsasən bişirərək istehlak etməyiniz daha faydalı olacaqdır.
8. Bibər
Bibər C vitamini ilə zəngindir. Bununla yanaşı dərinizin möhkəm və güclü qalmasına kömək edən kollagen səviyyəsini artırmaq üçün əla bir qidadır. Xüsusilə qırmızı və sarı bolqar bibəriniz, orqanizminin digər bir vacib antioksidan olan A vitamininə çevirdiyi beta-karotenlə doludur.
Arzu Elsevərqızı
Bütün xəbərlər Facebook səhifəmizdə
USD
EUR
GBP
RUB
