İran dövlət telekanalı İngiltərə Premyer Liqasının 31-ci turunun "Tottenhem" - "Mançester "Yunayted" oyununun (1:3) canlı yayımını yüz dəfədən çox dayandırıb.
SİA "Daily Mail"ə istinadən xəbər verir ki, buna matçın yan hakimi Sian Masseyin yayıma girməsi səbəb olub. Qadın hakim görüşdə şort və diz çorabında çalışıb. Massey ekranda göründüyü anda, dövlət kanalı "Tottenhem Hotspur" stadionunun panoramik bir görünüşünü göstərib.
İranın insan hüquqları təşkilatı "My Stealthy Freedom" bunun yerli televiziya izləyicilərinin qadının ayaqlarının çılpaq hissələrini görməməsi üçün edildiyini bildirib.
Qeyd edək ki, 1979-cu ildən 2019-cu ilədək iranlı qadınlara futbol matçları zamanı stadionlara daxil olmaq qadağan edilib.
Bütün xəbərlər Facebook səhifəmizdə
USD
EUR
GBP
RUB