...Qədim insanların dərilərini örtmək üçün istifadə etdikləri oxra yalnız bəzək kimi deyil, həm də təhlükəli ultrabənövşəyi şüalardan qorunma funksiyasını yerinə yetirə bilərdi.
SİA-nın əldə etdiyi məlumata görə, “Science Advances” jurnalında araşdırma dərc edən Miçiqan Universitetinin alimləri belə nəticəyə gəliblər.
Təxminən 41 min il əvvəl Yer kürəsi geomaqnit pozğunluğu - Laşamp hadisəsi yaşayıb.
Belə ki, maqnit sahəsi on dəfə zəiflədi və bu, ultrabənövşəyi şüalanma səviyyəsinin artmasına səbəb oldu. Alimlər qlobal dəyişiklikləri modelləşdirdilər və onları arxeoloji tapıntılarla müqayisə etdilər.
Məlum olub ki, məhz təsirlənmiş regionlarda - Avropa, Afrika və Avstraliyada oxradan istifadə yayılıb, qayaüstü rəsmlər yaranıb və bu zaman geyimlər mürəkkəbləşib. Tədqiqatçılar oxranın təbii günəşdən qoruyucu vasitə kimi çıxış etdiyini irəli sürürlər.
Piqmentin bu xüsusiyyətləri etnoqrafik məlumatlar ilə təsdiqlənir: hələ də, məsələn, Namibiyadakı Himba qəbiləsi tərəfindən istifadə olunur.
Müəlliflər vurğulayırlar ki, sübutlar şərti olsa da, təsadüf təsadüf ola bilməyəcək qədər yaxındır. Bəlkə də məhz bu uyğunlaşmalar Neandertalların öhdəsindən gələ bilmədiyi fəlakətdən Homo sapiensin sağ qalmasına kömək edib.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB