...Kino Sənəti və Elmləri Akademiyası “Oskar” mükafatı uğrunda yarışan filmlərdə süni intellektdən istifadəyə icazə verən yeni qaydaları dərc edib.
SİA-nın məlumatına görə, BBC yazır ki, digər yeniliklərlə yanaşı, bütün finalçı filmlərə baxmaq akademiya üzvlərinin səsverməsi üçün məcburi olacaq. Akademiya hesab edir ki, süni intellekt və digər rəqəmsal alətlərdən istifadə “namizəd olmaq şansına nə kömək edəcək, nə də zərər verəcək”.
Eyni zamanda, akademiya qalibləri seçərkən insanların müəyyən bir işə töhfələrini öyrənməyə davam edəcəklərinə söz verdi.
Xatırladaq ki, mətn sorğuları əsasında mətn, şəkil, audio və video yaradan süni intellekt artıq mart ayında “Oskar” qazanan bəzi filmlərin istehsalında istifadə olunub.
Bu filmlərdən biri də “Brutalist” idi. Adrien Brodi və Feliciti Cones tərəfindən canlandırılan iki əsas personajın macarca danışarkən tələffüzünü yaxşılaşdırmaq üçün süni intellektdən istifadə edib.
Yeni qaydalara əsasən, səsvermənin final mərhələsində iştirak edən və “Oskar” qaliblərini müəyyən edən Akademiya üzvləri hər kateqoriya üzrə bütün namizəd filmlərə baxmalı olacaqlar.
Variety, akademiyanın Academi Screening Room axın platforması (yalnız onun üzvləri üçün mövcuddur) vasitəsilə baxışları izləyəcəyini aydınlaşdırır.
Platformadan kənarda baxılan filmlər üçün - məsələn, festivallarda, nümayişlərdə və ya özəl tədbirlərdə - tarixi və yeri təsdiqləyən xüsusi formanı doldurmalısınız.
2025-ci ilə qədər bu tələb məcburi deyildi. Bu, yalnız qısametrajlı filmlərə, eləcə də “Ən yaxşı beynəlxalq film” və “Ən yaxşı animasiya filmi” kateqoriyalarında namizədlərə şamil edilmişdir.
Xatırladaq ki, 2023-cü ildə ABŞ-da aktyor və ssenaristlərin kütləvi tətilləri olub. Tələblərdən biri də film istehsalında süni intellektdən istifadəyə məhdudiyyətlərin tətbiqi (xüsusən də insanların neyron şəbəkələrlə əvəzlənməsinə qadağaların tətbiqi) olub.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB