Tədqiqatçılar hesab edirlər ki, bu, Merkurinin bir hissəsi deyil, onun formalaşmasından az sonra məhv olmuş başqa bir planetin qalıqlarıdır.
SİA-nın məlumatına görə, Minnesota Universitetinin tədqiqatçıları sirli NWA 15915 meteoritinin mənşəyi ilə bağlı fərziyyə irəli sürüblər.
Onların fikrincə, bu kosmik obyekt bizim Günəş sistemində mövcud olmuş, lakin sonradan məhv edilmiş qədim planetin fraqmenti ola bilər.
Afrikada kəşf edilən meteoritin kimyəvi tərkibi alimlərin xüsusi diqqətini çəkib. Təhlil öz xüsusiyyətlərinə görə Merkuri planetini xatırladan, metal nüvəli göy cisminə xas olan xarakterik xüsusiyyətləri göstərdi.
Tədqiqat qrupunun rəhbəri Cennifer Mitçel vurğulayıb ki, Merkuri ilə oxşarlığına baxmayaraq, tapılan meteoritin onun bir hissəsi olması ehtimalı azdır.
Çox güman ki, bu, Günəş sisteminin formalaşmasının ilkin mərhələlərində ölmüş tamamilə fərqli bir planetin qalığıdır. Tədqiqatın nəticələri Texasda keçirilən nüfuzlu Ay və Planet Elmləri Konfransında təqdim edilib.
Kəşf günəş sistemimizin formalaşması və təkamülü haqqında anlayışımızı əhəmiyyətli dərəcədə artıra bilər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB