Həddindən artıq uzun və ya qısa yuxu bir çox xəstəliklərə səbəb ola bilər. İdeal olaraq, bir insanın gecə yeddi-səkkiz saat yatması lazımdır. Eyni zamanda, həddindən artıq qısa yuxu daha təhlükəlidir - sinir pozğunluqlarına, ürək və qan damarlarının xəstəliklərinə səbəb olur, həmçinin maddələr mübadiləsi ilə bağlı problemlər yaradır.
SİA-nın əldə etdiyi məlumata görə, rusiyalı psixoterapevt Yuri Vyalba, altı saatdan az yatmaq vərdişini qısa yuxu sindromu adlandırır.
Bu, ya genetik xüsusiyyət, ya da orqanizmin sağlamlığına zərərli təsir göstərən vərdiş ola bilər.
Qeyd edilir ki, bədənin oyaqlıq zamanı aldığı bütün zərərlərdən “təmizlənməsi” üçün kifayət qədər miqdarda yatmaq lazımdır. Məsələn, demensiyaya səbəb ola biləcək beta-amiloidin yığılması onurğa-beyin mayesi ilə bir gecədə təmizlənir.
Yuxu zamanı beyindəki hüceyrələr kiçilir, bu da onurğa beyni mayesinin artıq beta-amiloidi çıxarmasına imkan verir. Bir yuxusuz gecə protein yığılmasını 25 faiz artırır. Buna görə bədəninizə istirahət etmək və bunun üçün lazımi miqdarda təmizləmək üçün vaxt vermək çox vacibdir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB