3 noyabrda keçiriləcək ABŞ-da ara seçkilərdən sonra genişmiqyaslı əməliyyat keçirilə bilər. Axios-un ABŞ və İsrail rəsmilərinə istinadən verdiyi məlumata görə, ABŞ və İsrail İrana qarşı ölkənin rəhbərliyini, enerji və nüvə obyektlərini və infrastrukturunu hədəf alan genişmiqyaslı hücumlar üçün plan hazırlayıblar. Onların sözlərinə görə, İsrail Müdafiə Qüvvələrinin (İMQ) Baş Qərargah rəisi Eyal Zamir və ABŞ Mərkəzi Komandanlığının komandanı Bred Kuper 26 oktyabrda hücumun koordinasiyasını müzakirə ediblər. Əməliyyatın bir həftə davam etməsi planlaşdırılır və 3 noyabrda keçiriləcək ABŞ ara seçkilərindən sonra həyata keçirilə bilər.
Bu arada, Qətərin rəhbərlik etdiyi regional vasitəçilər eskalasiyanın yeni mərhələsinin qarşısını almağa və Vaşinqtonla Tehran arasında danışıqları bərpa etməyə çalışırlar. Pakistan, Səudiyyə Ərəbistanı, Misir və Türkiyə də vasitəçi kimi çıxış edir. ABŞ prezidenti Donald Tramp İranla danışıqların vasitəçilər vasitəsilə aparıldığını təsdiqləyib, lakin onların nəticələri ilə bağlı qeyri-müəyyənliklərini bildirib.
Xatırladaq ki, Qətər vasitəçiləri İrana ABŞ və İsraillə müharibəyə son qoymaq məqsədi daşıyan yeni bir razılaşma layihəsini təqdim etmişdilər. Sənəddə hər iki tərəfdə etimad yaratmaq üçün gündəlik addımlar nəzərdə tutulur. Lakin Tehran Qətərin yalnız "təklif yox, qəbuledilməz fikirlər" çatdırdığını bildirib.
VƏLİ
Bütün xəbərlər Facebook səhifəmizdə
USD
EUR
GBP
RUB