...Avropa ölkələri ABŞ ilə birlikdə Rusiyaya yeni sanksiyalar tətbiq etməzdən əvvəl Putin və Vladimir Zelenski arasında Türkiyədə mümkün görüşə qədər vaxt vermək qərarına gəliblər.
SİA-nın məlumatına görə, bu barədə “Bloomberg” danışıqlardan xəbərdar olan mənbələrə istinadən yazıb.
Nəşrin yazdığına görə, Amerika tərəfi bazar ertəsi avropalı tərəfdaşlarla danışıqlar zamanı Kremlə təzyiqi artırmazdan əvvəl Moskva və Kiyev arasında danışıqlara şans verməkdə israr edib.
Hər şey cümə axşamı günü qərar veriləcək, Rusiyanın dəqiq cavab vermək üçün təxminən 48 saat vaxtı var.
Sanksiyalar hazırdır
Putin Zelenski ilə görüşə gəlməsə və ya atəşi dərhal dayandırmaqdan imtina edərsə, Avropa Donald Trampın səsləndirdiyi təhdidləri yerinə yetirməkdə israrlı olacaq: Rusiyaya qarşı sərt iqtisadi sanksiyaların tətbiqi.
Kreml hələlik Putinin görüşdə iştirak edib-etməyəcəyini açıqlamayıb.
Moskva açıq-aydın vəziyyəti qiymətləndirməyə çalışır, ağır nəticələrdən ehtiyatlanır. Son iki gündür ki, Tramp administrasiyasının Rusiya ilə bağlı növbəti addımlarını atacağı bəlli deyil.
Lakin ABŞ administrasiyasının rəsmilərinin sözlərinə görə, Kremlə təzyiqin artırılması variantları artıq hazırlanıb. Tramp son açıqlamasında qeyd edib ki, Rusiya hərbi əməliyyatlarını davam etdirərsə, “ABŞ və tərəfdaşlarımız əlavə sanksiyalar tətbiq edəcək”.
Yeni sanksiyaların hazırlanması
Aİ Avropa Birliyi də bu həftə Rusiyanın kölgədə qalmış neft tankerləri donanmasına və enerji məhdudiyyətlərini aşmaqda iştirak edən şəxslərə qarşı sanksiyaların yeni mərhələsini dəstəkləməyi planlaşdırır.
Paket dezinformasiya və kiberhücumlarda iştirak edən fiziki və hüquqi şəxslərə, habelə Rusiyaya silah komponentləri tədarük edən şirkətlərə qarşı tədbirləri əhatə edə bilər.
İki mənbə bildirib ki, Rusiyanın neft nəhəngi Lukoil PJSC-nin Dubayda yerləşən ticarət qolu olan Litasco Middle East DMCC-yə qarşı sanksiyalar təklifləri Macarıstanın etirazından sonra geri çəkiləcək.
Kreml təzyiq altında qalır
Hazırda Kreml Putinin Zelenski ilə görüşdə iştirakını rəsmən təsdiqləməyib. Aydındır ki, Rusiya sanksiya təzyiqinin artmasından ehtiyat edir, lakin qərarların qəbulunu ləngitməklə vaxt qazanmağa çalışır.
Avropa ölkələri görüşün baş tutmayacağı təqdirdə sanksiyalarda israr etməyə artıq hazırdır.
ABŞ hələlik yekun fəaliyyət planı barədə qərar verməyib, lakin Kremlin danışıqlardan yayınmasına sərt cavab veriləcəyini istisna etmir.
Ekspertlər qeyd edirlər ki, Avropa faktiki olaraq Putinə son şans verib, lakin o, bundan istifadə etməsə, yeni sanksiyalar paketinin qaçılmaz olacağını açıqlayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB
