…Əvvəllər köpək balıqlarının səssiz yırtıcılar olduğu düşünülürdü. Lakin yeni araşdırmalara görə, bəzi köpək balığı növləri klik səsləri çıxara bilir.
…Aparılan araşdırma nəticəsində məlum olub ki, köpək balıqları ətraf mühitlə qarşılıqlı əlaqədə olarkən suyun altında çıqqıltı səsləri çıxara bilirlər.
SİA-nın məlumatına görə, araşdırma Royal Society Open Science jurnalında dərc olunub.
Alimlər bu qabiliyyəti Yeni Zelandiyada araşdırma apararkən təsadüfən kəşf ediblər.
Woods Hole Okeanoqrafiya İnstitutundan dəniz bioloqu Carolyn Nieder,...Mən həmişə köpək balıqlarının səssiz balıq olduğunu və çox səs-küy salmadığını düşünürdüm,-deyib.
…Bu fenomeni yoxlamaq üçün Nieder Kaipara Limanından on köpək balığı toplayıb və sonra onları dəniz laboratoriyasına yerləşdirib.
Bir həftə sonra onları eksperimental tanka yerləşdiriblər və orada məlum olub ki, köpək balıqları insanlarla təmasda olduqda çırtma səsləri çıxarırlar.
Araşdırma nəticəsində məlum olub ki, köpəkbalığı orta hesabla 20 saniyəlik fasilələrlə hər seansda doqquz dəfə klikləyib.
Mütəxəssislər bu səslərin ünsiyyətdə və ya yırtıcılara qarşı müdafiədə rol oynaya biləcəyini irəli sürürlər.
Nieder hesab edir ki, kiçik köpəkbalığı yırtıcıları çaşdırmaq üçün kliklərdən istifadə edərək qaça bilər.
…Köpək balıqlarının səslərdən istifadə edərək ünsiyyət qura bilməsi ideyası nəfəs kəsicidir. Bu, tədqiqatlar üçün yeni üfüqlər açır.
Bunu Atlantic Shark Expeditions-ın prezidenti Nil Hammerşlaq deyib.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB