“Azərbaycan Hava Yolları” QSC (AZAL) Gürcüstana ən çox sərnişin daşıyan aviaşirkətlər arasında ilk altılığa daxil olub. SİA xəbər verir ki, bu barədə məlumat Gürcüstan Mülki Aviasiya Agentliyi 2025-ci ilin doqquz ayına dair hesabatında yer alıb.
Bildirilib ki, AZAL 2025-ci ilin ilk doqquz ayında 358 min 291 sərnişin daşıyaraq ümumi bazarın 6 faizini təşkil edib. Agentliyin məlumatına görə, ölkənin hava limanlarında sərnişin axını 14 faiz, uçuşların sayı isə 18 faiz artıb.
Yanvar-sentyabr ayları ərzində Gürcüstanın hava limanları ümumilikdə 6 milyon 489 min 755 sərnişinə xidmət göstərib. 2024-cü ilin eyni dövründə bu rəqəm 5 milyon 682 min 304 nəfər təşkil edib. Məlumatda qeyd olunur ki, Gürcüstana sərnişin daşıyan aviaşirkətlərin siyahısında “Wizz Air” 1 milyon 65 min 618 sərnişinlə ilk yeri tutaraq 17 faiz bazar payına sahib olub. Onu “Georgian Airways” (8 faiz), “Türk Hava Yolları” (7 faiz), “Pegasus Airlines” (7 faiz), “Red Wings” (6 faiz) və AZAL (6 faiz) izləyib.
Mülki Aviasiya Agentliyinin məlumatına görə, ilin ilk doqquz ayında Gürcüstan hava məkanından istifadə edən uçuşların ümumi sayı 229 min 972 olub. Hava yolu ilə yükdaşıma həcmi isə 50 faiz artaraq 25,9 milyon tona çatıb.
Bütün xəbərlər Facebook səhifəmizdə
.jpg)
.jpg "Mehdiyevə görə bu şəxslər SAXLANILDI ? - YENİ FAKTLAR!")
.jpg "50 nəfərlik siyahı DAĞIDILDI! - KİMLƏR MƏHV OLDU?")
USD
EUR
GBP
RUB
