“Ümid” yatağının Cənub qanadında ilk qiymətləndirmə quyusunun qazılması üçün nəzərdə tutulan “Neptun” özüqalxan qazma qurğusunun modifikasiya işlərinin tamamlanması və qurğunun dənizə yola salınması mərasimi keçirilib. Azərbaycan Dövlət Neft Şirkətindən (SOCAR) SİA-ya bildirilib ki, tədbirdə SOCAR, “Nobel Upstream”, “Umid Babek Operating Company” Əməliyyat Şirkətinin (UBOC) Azərbaycandakı filialının, eləcə də “Caspian Oilfield Services” (COS) şirkətinin rəhbərləri və xidmət göstərən digər tərəfdaş şirkətlərin rəsmiləri iştirak edib.
“Neptun” qurğusu vasitəsi ilə “Ümid” yatağının Cənub qanadında sualtı qiymətləndirmə quyusunun qazılması bu ilin oktyabr ayında planlaşdırılır. Özüqalxan üzən qazma qurğusu ilə sualtı qiymətləndirmə quyusunun qazılması SOCAR tarixində ilk olacaq. Eyni zamanda, bu quyu bu günədək “Ümid” yatağında qazılan ən dərin quyu hesab olunur. Quyunun layihə dərinliyi 7067 metr təşkil edir. Quyuda qazma işlərinin tamamlanması və lay sınağına təhvil verilməsi müddəti təxminən 10 ay nəzərdə tutulub.
Qeyd edək ki, 2025-ci il sentyabrın 1-nə olan məlumata əsasən “Ümid” yatağının işlənməsinin birinci mərhələsi çərçivəsində, ümumilikdə 12.3 milyard kubmetr qaz və 1.8 milyon ton kondensat hasil edilib
Bütün xəbərlər Facebook səhifəmizdə
.jpg)
USD
EUR
GBP
RUB
