"Bu günlərdə Prezident İlham Əliyev akademik M.Topçubaşovun anadan olmasının 130 illiyi münasibətilə sərəncam imzalamışdır. Bu sərəncam, Azərbaycan dövlətinin ictimai, siyasi, mədəniyyət, elm və ədəbiyyat xadimlərinə göstərdiyi yüksək diqqət və ehtiramın növbəti nümunəsidir". Bu sözləri SİA-ya açıqlamasında Milli Məclisin deputatı Jalə Əliyeva deyib.
Onun sözlərinə görə, bu şəxsiyyətlər, öz dövrlərinin mənəvi-əxlaqi dəyərlərini, intellektual səviyyələrini və yaradıcılıqlarını təmsil edən nadir simalardır: "Belə görkəmli şəxsiyyətlərin formalaşmasında Azərbaycan xalqının mənəvi irsi, tarixi ənənələri və zəngin mədəni mühiti mühüm rol oynamışdır.
Akademiklərin və digər ziyalıların adlarının əbədiləşdirilməsi, onların həyat və fəaliyyətlərinin öyrənilməsi və gələcək nəsillərə çatdırılması müasir dövr üçün mühüm elmi və mənəvi əhəmiyyət daşıyır. Bu, həm də milli özünüdərk prosesinə, eləcə də elmi və mədəni inkişafın davamlılığının təmin olunmasına xidmət edir.
Gələcək nəsillərin sağlam mənəvi-idraki formalaşması üçün onların öz tarixi keçmişini, həmin dövrün görkəmli simalarını və şəxsiyyətlərini dərindən tanımaları mühüm əhəmiyyət daşıyır. Bu baxımdan Mustafa Kibarçuk kimi alim və ziyalıların xatirəsinə həsr olunmuş sərəncamların imzalanması, eyni zamanda elm və mədəniyyət sahəsində xidmətləri olan yüzlərlə şəxsiyyətin fəaliyyətinin dövlət səviyyəsində qiymətləndirilməsi və yaddaşlarda yaşadılması olduqca vacibdir.
Belə sərəncamlar yalnız onların zəngin irsinin qorunması və təbliği baxımından deyil, həm də gələcək nəsillərə bu dəyərlərin ötürülməsi və onların milli-mənəvi kimliklərinin formalaşmasına töhfə verilməsi baxımından elmi və ictimai əhəmiyyət daşıyır. Bu təşəbbüslər Azərbaycan Respublikasının elm və mədəniyyət siyasətinin mühüm istiqamətlərindən biri kimi, ziyalı irsinin sistemli şəkildə öyrənilməsi və gələcək nəsillərə çatdırılması məqsədinə xidmət edir"-deyə o əlavə edib.
Bütün xəbərlər Facebook səhifəmizdə
.jpg)
USD
EUR
GBP
RUB
