Dubayda balkonda çılpaq şəkil çəkdirən qadınlar deportasiya ediləcək
Birləşmiş Ərəb Əmirliklərinin Dubay şəhərindəki bir göydələnin balkonunda çılpaq şəkil çəkdirən 11 ukraynalı qadının və rus kişi fotoqrafın deportasiya ediləcəyi açıqlanıb.
SİA-nın məlumatına görə, görüntülər sosial mediada paylaşıldıqdan sonra sözügedən şəxslər “ictimai əxlaqa zidd hərəkət etdikləri” və “pornoqrafik məzmun istehsal etdikləri” üçün həbs olunublar.
Dubay Baş prokuroru Essam Issa al-Humaidan, şəxsiyyəti gizli saxlanılan şəxslərin ölkələrinə göndəriləcəyini açıqlayıb.
BƏƏ-də həbs olunan əcnəbilərin məhkəməsiz mühakimə olunmaları tez-tez rast gəlinən hadisə deyil.
Ölkə qanunlarına görə çılpaqlıq və əxlaqsız hərəkətlərlə əlaqəli cinayətlər törədənlərdən 6 ay həbs və1360 dollar cərimə tələb oluna bilər.
Qeyd edək ki, bu ölkənin qanunlarına görə pornoqrafik yayımların paylaşılması da qadağandır.
Bütün xəbərlər Facebook səhifəmizdə