Anadoludan xaricə qeyri-qanuni olaraq çıxarılan minlərlə əsər bir-bir geri gətirilir. Bişmiş torpaq qablar, sikkələr, kiçik fiqurlar, heykəllər... Mədəniyyət və Turizm Nazirliyinin Mədəni İrs üzrə Baş İdarəsinin Qaçaqmalçılıqla Mübarizə Şöbəsi heyətinin səyi ilə minlərlə illik misilsiz əsərlər Türkiyəyə qaytarılır.
SİA-nın əldə etdiyi məlumata görə, aparılan fəaliyyətlər nəticəsində 1980-ci ildən indiyədək dünyanın hər yerindən 22 mindən çox əsər Türkiyəyə gətirilərək mühafizəyə götürülüb. 2022-ci ilin əvvəlindən 1120 əsər geri qaytarılıb. Bu əsərlər ABŞ, Xorvatiya, İngiltərə, Hollandiya və Almaniyadan geri qaytarılıb.
Bu çərçivədə ilin ilk ayında ABŞ-dan 21 bişmiş torpaq çölmə qab geri qaytarılıb. Roma dövrünə aid yerli kənd üslubunda hazırlanmış və gündəlik həyatda istifadə olunduğu aşkarlanan qablar yanvarın 18-də Türkiyeyə gətirilib. Əsərlər Ankara Anadolu Mədəniyyət Muzeyində mühafizəyə götürülüb.
Yanvar ayında ABŞ-dan gətirilən digər tarixi əsər isə 19-cu əsrə aid səciyyəvi xalçadır. Əsər yanvarın 5-də ABŞ-ın Alabama ştatındakı “Mobil Muzey Sənəti” (MMoA) tərəfindən Türkiyəyə qaytarılıb. Ankara Etnoqrafiya Muzeyi Müdirliyində qorunub saxlanılan namaz xalçası 125x190 sm ölçüdə və suzeni texnikası ilə diqqət çəkir.
ABŞ-dan qaytarılan əsərlər arasında 12 sikkə də var. Aparılan araşdırmalar nəticəsində müəyyən edilib ki, elektrum və gümüş sikkələrin eramızdan əvvəl VI-III əsrlərə aid olduğu müəyyən edilib. Fevralın 3-də Türkiyəyə gətirilən sikkələr İstanbul Arxeologiya Muzeylərində nümayiş etdirilir.
ABŞ-la yanaşı Xorvatiya, İngiltərə, Hollandiya və Almaniyadan da cari il ərzində müxtəlif tarixi əsərlər Türkiyəyə təhvil verilib. Geri qaytarılan əsərlər müxtəlif muzeylərdə mühafizə ve nmayiş etdirilir.
Bütün xəbərlər Facebook səhifəmizdə
USD
EUR
GBP
RUB