...Viral hepatitlərin, alkoqoldan sui-istifadənin və metabolik əlaqəli yağlı qaraciyər xəstəliyinin (MASLD) yayılmasının azaldılması ilə qaraciyər xərçənginin əksər hallarının qarşısını almaq olar.
SİA-nın məlumatına görə, bu, “The Lancet”də dərc olunan əsas təhlilin müəlliflərinin gəldiyi nəticədir.
Bu gün qaraciyər xərçəngi xərçəngin ən ölümcül formalarından biridir: ölümün üçüncü səbəbi və dünyada ən çox görülən altıncı xərçəngdir.
İnsident nisbəti xüsusilə Çində yüksəkdir və bütün halların 40 faizindən çoxunu təşkil edir.
Təhlil göstərib ki, 2050-ci ilə qədər yeni yoluxma hallarının sayı iki dəfə artacaq - 870 mindən 1,52 milyona, ölüm halları isə 760 mindən 1,37 milyona yüksələcək.
Bununla belə, tədqiqatçılar deyirlər ki, bu halların təxminən 60 faizi idarə oluna bilən risk faktorları ilə bağlıdır.
Bunlara hepatit B və C virusları, spirt və MASLD daxildir. Üstəlik, piylənmə ilə əlaqəli MASLD dünyada, xüsusən də ABŞ, Avropa və Asiyada qaraciyər xərçənginin ən sürətlə böyüyən səbəbinə çevrilir.
Müəlliflər xəstəliyə qarşı mübarizə üçün bir sıra strategiyalar təklif edirlər: hepatit B peyvəndinin artırılması, hepatit və qaraciyər xəstəliklərinin skrininqi, spirtli içkilərin reklamına məhdudiyyətlər, alkoqolun minimum qiymətləri və sağlam həyat tərzi kampaniyaları.
Təkcə hər il insidenti 2-5 faiz azaltmaqla 17 milyona qədər yoluxmanın qarşısını almaq və 15 milyona qədər insanın həyatını xilas etmək olar.
Alimlər vurğulayırlar ki, qaraciyər xərçənginin müalicəsinin mürəkkəbliyinə baxmayaraq, xəstəliyin qarşısının alınmasına diqqət yetirsək, onu əhəmiyyətli dərəcədə azaltmaq olar.
Nazlı Almuradova
Bütün xəbərlər Facebook səhifəmizdə
.jpg "NATO-Rusiya toqquşması hər an baş verə bilər")
.jpg "Dəhliz ətrafında nə baş verir?")
.jpg)
.jpg)
USD
EUR
GBP
RUB
