Yardımlı rayonunda hemofiliya, talassemiya və digər qan xəstəliklərindən əziyyət çəkənlərə yardım məqsədilə könüllü qanvermə aksiyası keçirilib. SİA-nın bölgə müxbiri xəbər verir ki, aksiya Yardımlı Rayon İcra Hakimiyyətinin təşkilatçılığı və “Respublika Qan Bankı” publik hüquqi şəxsin təşəbbüsü ilə Yardımlı Rayon Mərkəzi Xəstəxanasında təşkil edilib.
Həkim-hematoloqlar tərəfindən hər bir donorun sağlamlığı öncədən yoxlanılıb, hərtərəfli tibbi müayinədən sonra onlardan qan götürülüb.
Tədarük olunan qan hemofiliyalı və talassemiyalı, həmçinin qana ehtiyacı olan digər xəstələrin müalicəsində istifadə olunacaq.
Bütün xəbərlər Facebook səhifəmizdə
USD
EUR
GBP
RUB