2030-cu ilədək artıq dünyada fintex bazarı ilə bağlı proqnozlar var. 600 milyard dollardan çox, təqribən 700 milyard dollara yaxın fintex bazarına vəsait cəlb ediləcək. Azərbaycan da 2030-cu ilədək bu sektorda müvafiq işləri hədəfləyib. SİA xəbər verir ki, bunu İqtisadi İslahatların Təhlili və Kommunikasiya Mərkəzinin İcraçı direktoru Vüsal Qasımlı bu gün Bakıda keçirilən “FINTEX SUMMIT 2025 – Maliyyə və Texnologiyalar Sərgisi”ndə çıxışı zamanı deyib.
O bildirib ki, bu gün əsas diqqət yetirilməli istiqamətlərdən biri fintex sahəsidir:
"Biz artıq banka bir platforma biznesi kimi baxmalıyıq. Yəni bank artıq filal əsaslı, filial əsaslı mərkəz deyil. Biz bunu qəbul edirik ki, bank artıq platformadır. Cənab Prezidentin tapşırığı odur ki, biz bu platforma biznesini inkişaf etdirək. Bu, çox vacib məsələdir".
"Digər trend ondan ibarətdir ki, maliyyənin digər sektorları ilə - taksi xidmətindən tutmuş, digər ödənişlərə qədər, - maliyyə platformaları bir-biri ilə yaxınlaşmalıdır, inteqrasiya olunmalıdır. Digər məsələ, bu sahədə tənzimlənmələrin vacibliyidir. Məsələn, kirli pulların yuyulmasından tutmuş ödəniş sistemlərinin müxtəlif sferalarında tənzimləmələr vacibdir", - V.Qasımlı qeyd edib.
O vurğulayıb ki, süni intellekt əsasında fərdiləşmiş yanaşmaya da ciddi ehtiyac vardır:
"Bu gün etiraf edək ki, təhsildən tutmuş səhiyyəyə qədər bütün məsələlərdə fərdiləşmiş bir yanaşma var. Bank sektorunda da kredit tarixçəsindən tutmuş digər məsələlərə qədər süni intellekt texnologiyaları tətbiq edilməlidir".
"Digər amil "green tech"lə bağlıdır. Bildiyiniz kimi bizimi bank sektoru bu sahədə üzərlərinə 2 milyard manat vəsaitin cəlbi ilə bağlı öhdəlik götürüblər.
Sadaladığım bütün bu trendləri biz platforma biznesinə, banka gətirməliyik", - deyə V. Qasımlı fikrini tamamlayıb.
Bütün xəbərlər Facebook səhifəmizdə
.jpg "Baş Nazir Qərar Verdi! - NƏ OLACAQ?")
USD
EUR
GBP
RUB