Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev COP29 tədbirində iştirak məqsədilə ölkəmizdə səfərdə olan İctimai Nəqliyyat üzrə Beynəlxalq Assosiasiyanın (UITP) Baş katibi Məhəmməd Mezqani ilə görüşüb.
SİA-nın əldə etdiyi məlumata görə, AYNA-dan bildirilib ki, görüşdə ölkəmizdə ictimai nəqliyyat sahəsində aparılan islahatlar, nəqliyyat sistemində rəqəmsallaşma, optimallaşdırma işləri, mobilliyin transformasiyası proqramı çərçivəsində yeni marşrut şəbəkəsinin tətbiqi və ictimai nəqliyyatın əlçatanlığının təmin olunması məqsədilə görülən işlər barədə ətraflı məlumat verilib.
Görüşdə, həmçinin ictimai nəqliyyatdan istifadənin təşviqi, dayanıqlı şəhər mobilliyi sahəsində dünya təcrübəsinin öyrənilməsi sahəsində UITP ilə potensial əməkdaşlıq imkanları müzakirə edilib.
Bütün xəbərlər Facebook səhifəmizdə
USD
EUR
GBP
RUB