"Həm Suriya və Türkiyənin həm də İraq və kürdlərin maraqları üçün (bölücü terror təşkilatı) PKK-dan qurtulmalıyıq".
SİA-nın məlumatına görə, bunu xarici işlər naziri Hakan Fidan Münhen Təhlükəsizlik Konfransı çərçivəsində "TRT World" telekanalına müsahibəsində deyib.
Avropalıların Ukrayna, Yaxın Şərq və ABŞ-ın isə Avropadan çəkilmə ehtimalı kimi mövzulara nəzər saldıqlarını ifadə edən Hakan Fidan Türkiyənin prezident Rəcəb Tayyib Ərdoğanın liderliyində “etibarlı və güclü tərəfdaş” olduğunu gördüklərini bildirib.
Fidan bildirib ki, Ankara Suriya, İraq və başqa yerlərdə terror və qeyri-sabitlik kimi məsələlərə qarşı yaxşı liderlik nümayiş etdirib və təkcə onlara qarşı mübarizə aparmayıb, həm də “etibarlı müttəfiq və tərəfdaş olduğunu dəfələrlə sübut edib”.
Çox çətin problemlər üzərində işləyərkən Suriyada bölücü terror təşkilatı PKK/YPG işğalını dayandırmağın da yeni rəhbərliyin prioritetləri arasında olduğunu bildirən Fidan "Həm Suriyanın, həm Türkiyənin, həm də İraqın və kürdlərin maraqları üçün PKK-dan qurtulmalıyıq" deyib.
Bölücü terror təşkilatı PKK-nın "çoxməqsədli terror təşkilatı" olduğunu vurğulayan Fidan "Onlar təkcə Türkiyəni deyil, İranı da, İraqı da, Suriyanı da hədəf alırlar. Ona görə də düşünürəm ki, bu virusdan birlikdə qurtulmağın vaxtı çatıb" ifadəsindən istifadə edib.
Bütün xəbərlər Facebook səhifəmizdə
.jpg)
USD
EUR
GBP
RUB
